"MAHAL KITA PERO KAIBIGAN KO ANG GUSTO MO"

ANG KUMPISAL NG MGA KALALAKIHAN
ni Samuel Bathan de Ramos

The Frustrated Poet

Ang mga kalalakihan ay asal-hayop kung magmahal /
Kasinungalingan kung sasabihin na /
Tayo ay matapat at iniingatan ang ating dangal /
Tama ka kung naninindigan kang /
Iniiwan lamang natin ang bawat makatambal /
Isang ilusyon na tayo ay marunong magdasal at /
Huwag sana nating isipin na /
Ang binubuong relasyon ay magtatagal /
Lagi nating isapuso na /
Ang tanging alam lang natin ay gumawa ng mga bawal /
Tulad ng isang aso na umiihi sa kahit saang kanal at /
Hindi tayo /
Nagnanais ng wagas na pag-ibig at kasal /
Ang katotohanan, tayo ay /
Malayong-malayo sa pagkabanal /
Ang tingin ng iba /
Ang alam nating salita ay puro balbal /
Mali ang sabi-sabi na /
Tayo ay may puso na pinaiiral /
Pangatawanan nating /
Tayo ay mga hangal! /
Mali ang mga palagay nila na /
Maayos ang ating asal at /
Kung minsan tayo ay utal /
Na tayo ay may damdaming ‘sing lambot ng pandesal /
Ibaon natin sa ating pagkatao na /
Tayo’y may kamay na bakal /
Ang mukha ay kasampal-sampal at /
Ang ugali natin ay nakasasakal /
Kung makibagay ay tila animal /
Walang pagpapahalaga sa ating Maykapal at /
Hindi katanggap-tanggap na tayo ay /
Natitinag at napapagal /
Sa pag-ibig ay sumusuko at sumusugal /
Ganiyan tayo ka-brutal ngunit /
Tayo ay tao rin na nasasakta’t nagmamahal.

Paunawa: Bago po ninyo bigyan ng puna o reaksiyon itong aking tula, nais ko lamang ipabatid na ito ay isang "reverse poetry" at inaanyayahan ko kayong basahin ito muli simula sa baba paitaas. Maraming salamat po.